CENTURIE X
I.
A L'ennemy, l'ennemy foy promise,
Ne se tiendra, les captifs retenus:
Prins preme mort, & le reste en chemise,
Damné le reste pour estre soustenus.
II.
Voille gallere voil de nef cachera,
La grande classe viendra sortir la moindre,
Dix naves proches tourneront pousser,
Grande vaincue unies à soy ioindre.
III.
En apres cinq troupeau ne mettra hors,
Un fuytif pour Penelon laschera,
Faux murmurer, secours venir par lors,
Le chef le siege lors abandonnera.
IV.
Sus la minuict conducteur de l'armee
Se sauvera subit esvanouy,
Sept ans apres la fame non blasmee
A son retour ne dira oncq ouy.
V.
Albi & Castres feront nouvelle ligue,
Neuf Arriens Lisbon & Portugues,
Carcas, Tholose consumeront leur brigue,
Quand chef neuf monstre de Lauragues.
VI.
Sardon Nemans si hault desborderont
Qu'on cuidera Deucalion renaistre,
Dans le colosse la pluspart fuyront,
Vesta sepulchre feu estaint apparoistre.
VII.
Le grand conflit qu'on appreste à Nancy,
L'Aemathien dira tout ie soubmets,
L'isle Britanne par vin sel en solcy,
Hem. mi. deux Phi. long temps ne tiendra Mets.
VIII.
Index & poulse parfondera le front
De Senegalia la Comte à son fils propre,
La Myrnamee par plusieurs de prin front
Trois dans sept iours blesses mors.
IX.
De Castillon figuieres iour de brune,
De femme infame naistra souverain Prince
Surnom de chausses perhume luy posthume
Onc Roy ne fut si pire en sa province.
X.
Tasche de meurdre, enormes adulteres,
Grand ennemy de tout le genre humain,
Que sera pire qu'ayeuls, oncles, ne peres,
En fer, feu, eau, sanguin & inhumain.
XI.
Dessous Ionchere du dangereux passage
Fera passer le posthume sa bande,
Les monts Pyrens passer hors son bagage,
De Parpignan courira Duc à Tende.
XII.
Esleu en Pape, d'esleu sera mocqué,
Subit soudain esmeu prompt & timide,
Par trop bon doux à mourrir provoqué,
Crainte estainte la nuict de sa mort guide.
XIII.
Souz la pasture d'animaux ruminant
Par eux conduicts au ventre helbipolique,
Soldats cachez, les armes bruit menant,
Non loing temptez de cité Antipolique.
XIV.
Urnel Vaucile sans conseil de soy mesmes
Hardit timide, car crainte prins, vaincu,
Accompagné de plusieurs putains blesmes
A Barcellonne au Chartreux convaincu.
XV.
Pere duc vieux d'ans & de soif chargé,
Au iour extreme fils desniant l'esguiere.
Dedans le puis vif mort viendra plongé,
Senat au fil la mort ong e & legere.
XVI.
Heureux au regne de France, heureux de vie
Ignorant sang, mort, fureur & rapine,
Par mon flateurs sera mis en envie,
Roy desrobé, trop de foye en cuisine.
XVII.
La Royne Esgaste voyant sa fille blesme,
Par un regret dans l'estomach enclos,
Crys lamentables seront lors d'Angolesme,
Et au germain mariage forclos.
XVIII.
Le rang Lorrain fera place à Vendosme,
Le haut mis bas, & le bas mis en haut,
Le fils de Hamon sera esleu dans Rome,
Et les deux grands seront mis en defaut.
XIX.
Iour que sera par Royne saluee,
Le iour apres le salut, la priere:
Le compte fait raison & valbuee,
Par avant humble oncques ne fut si fiere.
XX.
Tous les amys qu'auront tenu party,
Pour rude en lettres mis mort & saccagé,
Biens oubliez par fixe grand neanty.
Onc Romain peuple ne fut tant outragé.
XXI.
Par le despit du Roy soustenant moindre,
Sera meurdry luy presentant les bagues;
Le pere au fils voulant noblesse poindre
Fait, comme à Perse iadis feirent les Magues.
XXII.
Pour ne vouloir consentir au divorce,
Qui puis apres sera cognu indigne,
Le Roy des Isles sera chassé par force,
Mis à son lieu qui de roy n'aura signe.
XXIII.
Au peuple ingrat faictes les remonstrances.
Par lors l'armee se saisira d'Antibe,
Dans l'arc Monech feront les doleances
Et à Freius l'un l'autre prendra Ribe.
XXIV.
Le captif prince aux Italles vaincu
Passera Gennes par mer iusqu'à Marseille,
Par grand effort des forens survaincu,
Sauf coup de feu barril liqueur d'abeille.
XXV.
Par Nebro ouvrir de Brisanne passage,
Bien esloignez el rago fara muestra,
Dans Pelligouxe sera commis l'outrage
De la grand dame assise sur l'orchestra.
XXVI.
Le successeur vengera son beau frere,
Occuper regne souz umbre de vengeance,
Occis ostacle son sang mort vitupere,
Long temps Bretaigne tiendra avec la France.
XXVII.
Par le cinquiesme & un grand Hercules
Viendront le temple ouvrir le main bellique,
Un Clement, Iule & Ascans recules,
L'espee, clef, aigle, n'eurent onc si grand picque.
XXVIII.
Second & tiers qui font prime musique
Sera par Roy en honneur sublimee,
Par grasse & maigre presque demy eticque
Raport de Venus faulx rendra deprimee.
XXIX.
De Pol MANSOL dans caverne caprine
Caché & prins extrait hors par la barbe,
Captif mené comme beste mastine
Par Begourdans amenee pres de Tarbe.
XXX.
Nepveu & sang du saint nouveau venu,
Par le surnom soustient arcs & couvert
Seront chassez & mis à mort chassez nu,
En rouge & noir convertiront leur vert.
XXXI.
Le sainct Empire, vienra en Germanie,
Ismaëlites trouveront lieux ouverts,
Anes voudront aussi la Carmanie,
Les soustenans de terre tous couverts.
XXXII.
Le grand empire chacun en devoit estre,
Un sur les autres le viendra obtenir:
Mais peu de temps sera son regne & estre,
Deux ans aux naves se pourra soustenir.
XXXIII.
La faction cruelle à robbe longue,
Viendra cacher souz les pointus poignards:
Saisir Florence le duc & lieu diphlonque,
Sa descouverte par immurs & flangnards.
XXXIV.
Gaulois qu'empire par guerre occupera,
Par son beau frere mineur sera trahy,
Pour cheval rude voltigeant trainera,
Du fait le frere long temps sera hay.
XXXV.
Puisnay Royal flagrand d'ardant libide,
Pour se iouyr de cousine germaine:
Habit de femme au temple d'Artemide:
Allant meurdry par incognu du Maine.
XXXVI.
Apres le Roy du soucq guerres parlant,
L'isle Harmotique le tiendra à mespris:
Quelques ans bons rongeant un & pillant,
Par tyrannie à l'isle changeant pris.
XXXVII.
L'assemblee grande pres du lac de Borget,
Se ralieront pres du Montmelian:
Marchans plus outre pensifs feront proget,
Chambry Moraine combat sainct Iulian.
XXXVIII.
Amour alegre non loing pose le siege,
Au sainct Barbar seront les garnisons:
Ursins Hadrie pour Gaulois feront plaige,
Pour peur rendus de l'armee aux Grisons.
XXXIX.
Premier fils vefue malheureux mariage,
Sans nuls enfans deux Isles en discord,
Avant dix huict incompetant aage,
De l'autre pres plus bas sera l'accord.
XL.
Le ieune nay au regne Britannique,
Qu'aura le pere mourant recommandé,
Iceluy mort Lonole donra topique,
Et à son fils le regne demandé.
XLI.
En la frontiere de Caussade & Charlus,
Non guieres loing du fonds de la vallee,
De ville Franche musique à son de luths,
Environnez combouls & grand mittee.
XLII.
Le regne humain d'Angelique geniture,
Fera son regne paix union tenir:
Captive guerre demy de sa closture,
Long temps la paix leur fera maintenir.
XLIII.
Le trop bon temps trop de bonté royalle,
Fais & deffais prompt subit negligence:
Legier croira faux d'espouse loyalle,
Luy mis à mort par benevolence.
XLIV.
Par lors qu'un Roy sera contre les siens,
Natifs de Bloye subiuguera Ligures,
Mammel, Cordube & les Dalmatiens,
Des sept puis l'ombre à Roy estrennes & le mures.
XLV.
L'ombre du regne de Navarre non vray,
Fera la vie desort illegitime:
La veu promis incertain de Cambray,
Roy Orleans donra mur legitime.
XLVI.
Vie soit mort de l'or vilaine indigne,
Sera de Saxe non nouveau electeur:
De Brunsvic mandra d'amour signe,
Faux le rendant au peuple seducteur.
XLVII.
De bourze ville à la Dame Guyrlande,
L'on mettra sur par la trahison faicte
Le grand prelat de Leon par Formande,
Faux pellerins & ravisseurs deffaicte.
XLVIII.
Du plus profond de l'Espaigne enseigne,
Sortant du bout & des fins de l'Europe,
Troubles passant aupres du pont de Laigne,
Sera deffaicte par bande sa grand troupe.
XLIX.
Iardin du monde aupres de cité neufve,
Dans le chemin des montagnes cavees:
Sera saisi & plongé dans la cuve,
Beuvant par force eaux soulphre envenimees.
L.
La Meuse au iour terre de Luxembourg,
Decouvrira Saturne & trois en lurne:
Montaigne & pleine, ville, cité & bourg,
Lorrain deluge, trahison par grand hurne.
LI.
Des lieux plus bas du pays de Lorraine,
Seront des basses Allemaignes unis:
Par ceux du siege Picards, Normans, du Maisne
Et aux cantons se seront reünis.
LII.
Au lieu où Laye & Scelde se marient,
Seront les nopces de long temps maniees:
Au lieu d'Anvers où la crappe charient,
Ieune viellesse consorte intaminee.
LIII.
Les trois pelices de long s'entrebatron,
La plus grand moindre demeurera à l'escounte:
Le grand Selin n'en sera plus patron,
Le nommera feu peltre blanche routte.
LIV.
Nee en ce monde par concubine fertive,
A deux hautl mise par les tristes nouvelles,
Entre ennemis sera prinse captive,
Amenee à Malings & Bruxelles.
LV.
Les malheureuses nopces celebreront
En grande ioye: mais la fin malheureuse,
Mary & mere nore desdaigneront,
Le Phibe mort, & nore plus piteuse.
LVI.
Prelat royal son baissant trop tiré,
Grand flux de sang sortira par sa bouche,
Le regne Angelicque par regne respiré,
Long temps mort vifs en Tunis comme souche.
LVII.
Le sublevé ne cognoistra son sceptre,
Les enfans ieunes des plus grands honnira:
Oncques ne fut un plus ord cruel estre,
Pour leurs espouses à mort noir bannira.
LVIII.
Au temps du dueil que le felin monarque
Guerroyera la ieune Aemathien:
Gaule bransler, perecliter la barque,
Tenter Phossens au Ponant entretien.
LIX.
Dedans Lyon vingt-cinq d'une haleine,
Cinq citoyens Germains, Bressans, Latins;
Par dessous noble conduiront longue traine
Et descouverts par abbois de mastins.
LX.
Ie pleure Nisse, Mannego, Pize, Gennes,
Savonne, Sienne, Capue, Modene, Malte;
Le dessus sang, & glaive par estrennes,
Feu, trembler terre, eau, malheureuse nolte.
LXI.
Betta, Vienne, Emorre Sacarbance,
Voudront livrer aux Barbares Pannone:
De feu & sang en cité de Bisance
Les coniurez descouverts par matrone.
LXII.
Pres de Sorbin pour assaillir Ongrie,
L'heraut de Brudes les viendra advertir:
Chef Bisantin, Sallon de Sclavonie,
A loy d'Arabes les viendra convertir.
LXIII.
Cydron, Raguse, la cité au sainct Hieron,
Revendira le menicant secours:
Mort fils de Roy par mort de deux heron,
L'Arabe, Ongrie feront un mesme cours.
LXIV.
Pleure Milan, pleure Lucques, Florance,
Que ton grand Duc sur le char montera,
Changer le siege prese de Venise s'advance,
Lors que Colonne à Rome changera.
LXV.
O vaste Rome ta ruyne s'approche,
Non de tes murs, de ton sang & substance:
L'aspre par lettre fera si horrible coche,
Fer poinctu mis à tous iusques au manche.
LXVI.
Le chef de Londres par regne l'Americh,
L'Isle d'Escosse t'empiera par gelee:
Roy Reb auront un si faux Antechrist,
Que les mettra trestous dans la meslee.
LXVII.
Le tremblement si fort au mois de May,
Saturne, Caper, Iupiter, Mercure au boeuf:
Venus, aussi Cancer, Mars en Nonnay,
Tombera gresle lors plus grosse qu'un oeuf.
LXVIII.
L'armee de mer deuant cité tiendra,
Puis partira sans faire longue allee:
Citoyens grande proye en terre prendra,
Retourner classe reprendre grande emblee.
LXIX.
Le fer luysant de neuf vieux eslevé,
Seront si grands par Midy Aquilon:
De sa soeur propre grandes alles levé,
Fuyant meurdry au buisson d'Ambellon.
LXX.
L'oeil par obiect fera telle excroissance,
Tant & ardente que tombera la neige.
Champ arrousé viendra en decroissance,
Que le primat succombera à Rege.
LXXI.
La terre & l'air geleront si grand eau,
Lors qu'on viendra pour Ieudy venerer
Ce qui sera iamais ne fut si beau,
Des quatre parts le viendront honorer.
LXXII.
L'an mil neuf cens nonante neuf sept mois,
Du ciel viendra vn grand Roy d'effrayeur:
Resusciter le grand Roy d'Angolmois,
Avant apres Mars regner par bon heur.
LXXIII.
Le temps present avecques le passé,
Sera iugé par grand Iovialiste:
Le monde tard luy sera lassé,
Et desloyl par le clergé iuriste.
LXXIV.
Au revolu du grand nombre septiesme,
Apparoistra au temps ieux d'Hecatombe,
Non esloigné du grand aage milliesme,
Que les entrez sortiront de leur tombe.
LXXV.
Tant attendu ne reviendra iamais,
Dedans l'Europe, en Asie apparoistra,
Un de la ligue yssu du grand Hermes,
Et sur tous Roys des Orients croistra.
LXXVI.
Le grand Senat discernera la pompe,
A l'un qu'apres sera vaincu chassez,
Ses adherans seront à son de tromps
Biens publiez, ennemis dechassez.
LXXVII.
Trente adherans de l'ordre des quirettes
Bannis, leurs biens donnez ses adversaires,
Tous leurs bienfaits seront pour demerites,
Classe espargie delivrez aux Corsaires.
LXXVIII.
Subite ioye en subite tristesse,
Sera à Rome aux graces embrassees,
Dueil, cris, pleurs, larm sang excellent liesse
Contraires bandes surprinses & troussees.
LXXIX.
Les vieux chemins seront tous embellis,
Lon passera à Memphis somentrees,
Le grand Mercure d'Hercules fleur de lys
Faisant trembler terre, mer & contrees.
LXXX.
Au regne grand du grand regne regnant,
Par force d'armes les grands portes d'airain
Fera ouvrir, le Roy & Duc ioignant,
Fort demoly, nef à fons, our serain.
LXXXI.
Mis tresors temple citadins Hesperiques,
Dans iceluy retiré en secret lieu:
Le temple ouvrir le liens fameliques,
Reprens, ravis, proye horible au milieu.
LXXXII.
Cris, pleurs, larmes viendront auec couteaux,
Semblant fuir, donront dernier assault:
L'entour parques planter profonds plateaux,
Vifs repoussez & meurdris de prinsault.
LXXXIII.
De batailler ne sera donné signe,
Du parc seront contraints de sortir hors:
De Gand l'entour sera cogneu l'ensigne,
Qui fera mettre de tous les siens à morts.
LXXXIV.
Le naturelle à si hault non bas,
Le tard retour fera maris contens:
Le Recloing ne sera sans debats,
En employant & perdant tout son temps.
LXXXV.
Le vieil tribun au point de la trehemide
Sera pressee, captif ne delivrer,
Le vueil, non vueil, le mal parlant timide,
Par legitime à ses amis livrer.
LXXXVI.
Comme un gryphon viendra le Roy d'Europe,
Accompagné de ceux d'Aquilon,
De rouges & blancs conduira grand troupe,
Et iront contre le Roy de Babylon.
LXXXVII.
Grand Roy viendra prendre port pres de Nisse,
Le grand empire de la mort si en fera
Aux Antipolles posera son genisse,
Par mer la Pille tout esvanouyra.
LXXXVIII.
Pieds & Cheval à la seconde veille
Feront entree vastient tout par la mer:
Dedans le poil entrera de Marseille,
Pleurs, crys & sang, onc nul temps si amer.
LXXXIX.
De brique en mabre seront les murs reduits,
Sept & cinquante annees pacifiques:
Ioye aux humains, renoué l'aqueduict,
Santé, grands fruicts, ioye & temps malefique.
XC.
Cent fois mourra le tyran inhumain,
Mis à son lieu sçavant & debonnaire,
Tout le Senat sera dessous sa main,
Fasché sera par malin temeraire.
XCI.
Clergé Romain l'an mil six cens & neuf,
Au chef de l'an fera election:
D'un gris & noir de la Compagne yssu,
Qui onc ne fut si maling.
XCII.
Devant le pere l'enfant sera tué,
Le pere apres entre cordes de ionc,
Genevois peuple sera esvertué,
Gisant le chef au milieu comme un tronc.
XCIII.
La barque neufve recevra les voyages,
Là & aupres transferont l'Empire:
Beaucaire, Arles retiendront les hostages,
Pres deux colomnes trouvees de Porphire.
XCIV.
De Nismes, d'Arles, & Vienne contemner,
N'obey à l'edict d'Hespericque:
Aux labouriez pour le grand condamner,
Six eschappez en habit seraphicque.
XCV.
Dans les Espaignes viendra Roy tres puissant,
Par mer & terre subiugant or Midy:
Ce mal fera, rabaissant le croissant,
Baisser les aisles à ceux du Vendredy.
XCVI.
Religion du nom de mers vaincra,
Contre la secte fils Adaluncatif,
Secte obstinee deploree craindra
Des deux blessez par Aleph & Aleph.
XCVII.
Triremes pleines tout aage captif,
Temps bon à mal, le doux pour amertume:
Proye à Barbares trop trost seront hatifs,
Cupid de voir plaindre au vent la plume.
XCVIII.
La splendeur claire à pucelle ioyeuse,
Ne luyra plus, long temps, sera sans sel
Avec marchans, ruffiens, loups odieuse,
Tous pesle mesle monstre universel.
XCIX.
La fin le loup, le lyon, beuf, & l'asne,
Timide dama seront avec mastins:
Plus ne cherra à eux la douce manne,
Plus vigilance & custode aux mastins.
C.
Le grand Empire sera par Angleterre,
Le Pempotam des ans de trois cens:
Grandes copies passer par mer & terre,
Les Lusitains n'en seront par contens.

Retour Nostradamus

Retour Prophètes