CENTURIE VIII |
I. |
Pau, Nay, Loron plus feu qu’à san sera, |
II. |
| Condon & aux & autor de Mirande Ie voy du ciel feu qui les environne: Sol Mars conioint au Lyon, puis Marmande Foudre, grand gresle, mur tombe dans Garonne. |
III. |
| Au fort chateau de Vigilanne & Resviers Sera serré le puisnay de Nancy: Dedans Turin seront ards les premiers Lors que de dueil Lyon sera transy. |
IV. |
| Dedans Monech le Coq sera receu, Le Cardinal de France apparoistra Par Legation Romain sera deceu, Foiblesse à l’Aigle, & force au Coq naistra. |
V. |
| Apparoistra temple luisant orné, La lampe & cierge à Borne & Bretueil. Pour la Lucerne le Canton destorné, Quand on verra le grand Coq au cercueil. |
VI. |
| Clarté fulgure à Lyon apparante Luysant, print Malte, subit sera estainte: Sardon, Mauris traitera decevante, Geneve à Londres à Coq trahison fainte. |
VII. |
| Verceil, Milan donra intelligence Dedans Tycin sera faite la playe. Courir par Seine eau, sang, feu par Florence, Unique choix d’hault en bas faisant maye. |
VIII. |
| Pres de Linterne, dans de tonnes fermez, Chiuaz fera pour l’Aigle la menee, L’esleu cassé luy ses gens enfermez, Dedans Turin rapt epouse emmenee. |
IX. |
| Pendant que l’Aigle & le Coq à Savone Seront unis, Mer, Levant & Ongrie, L’armee à Naples, Palerme, Marque d’Ancone Rome, Venise par Barbe horrible crie. |
X. |
| Puanteur grande sortira de Lausanne, Qu’on ne sçaura l’origine du fait. L’on mettra hors toute la gent loingtaine, Feu veu au ciel, peuple estranger desfait. |
XI. |
| Peuple infiny paroistra à Vicence Sans force, feu brusler la basilique: Pres de Lunage desfait grand de Valence, Lors que Venise par morte prendra pique. |
XII. |
| Apparoistra aupres de Buffalore L’haut & procere entré dedans Milan, L’abbé de Foix avec ceux de sainct Morre Feront la forbe habillez en vilan. |
XIII. |
| Le croisé frere par amour effrenee Fera par Praytus Bellorophon mourir, Classe à mil ans la femme forcenee Beu le breuvage, tous deux apres perir. |
XIV. |
| Le grand credit d’or & d’argent l’abondance Fera aveugler par libide l’honneur Sera cogneu d’adultère l’offence, Qui parviendra à son grand deshonneur. |
XV. |
| Vers Aquilon grands efforts par hommasse Presque l’Europe & l’univers vexer, Les deux eclyses mettra en telle chasse, Et aux Pannons vie & mort renforcer. |
XVI. |
| Au lieu que Hieron fait sa nef fabriquer Si grand deluge sera & si subite, Qu’on n’aura lieu ne terres s’ataquer, L’onde monter Fesulan Olympique. |
XVII. |
| Les biens aisez subit seront desmis, Par les trois freres le monde mis en trouble: Cité marine saisiront ennemis, Faim, feu, sang, peste, & de tous maux le double. |
XVIII. |
| De Flore issue de sa mort sera cause, Un temps devant par ieusne & vieille bueyre Car les trois lys luy feront telle pause, Par son fruit fauve comme chair crue mueyre. |
XIX. |
| A soustenir la grand cappe troublee, Pour l’esclaircir les rouges marcheront, De mort famille sera presque accablee, Les rouges rouges le rouge assommeront. |
XX. |
| Le faux message par election fainte Courir par urben rompue pache arreste, Voix acheptee, de sang chappelle tainte, Et à un autre l’empire contraicte. |
XXI. |
| Au port de Agde trois fustes entreront, Portant l’infect, non foy & pestilence, Passant le pont mil milles embleront, Et le pont rompre à tierce resistance. |
XXII. |
| Gorsan, Narbonne, par le sel advertir Tucham, la grace Parpignan trahie, La ville rouge n’y voudra consentir, Par haute vol drap gris vie faillie. |
XXIII. |
| Lettres trouvees de la Royne les coffres, Point de subscrit sans aucun nom d’auteur: Par la police seront cachez les offres, Qu’on ne sçaura qui sera l’amateur. |
XXIV. |
| Le lieutenant à l’entree de l’huys Assommera le grand de Parpignan, En se cuidant sauver à Montpertuis, Sera deceu bastard de Losignan. |
XXV. |
| Cœur de l’amant ouvert d’amour fertive Dans le ruisseau fera ravir la Dame: Le demy mal contrefera lassive, Le pere à deux privera corps de l’ame. |
XXVI. |
| De Caton es trouvez en Barcelonne, Mys decouvers lieu terrovers & luyne, Le grand qui tient ne tient voudra Pamplonne, Par l’abbage de Monferrat bruyne. |
XXVII. |
| La voye auxelle l’une sur l’autre fornix Du muy deser hor mis brave & genest, L’escript d’Empereur le Phenix Uru à celuy ce qu’à nul autre n’est. |
XXVIII. |
| Les simulachres d’or & d’argent enflez, Qu’apres le rapt au feu furent iettez, Au descouvert estaincts tous & troublez, Au marbre escript, prescrip interiettez. |
XXIX. |
| Au quart pillier l'on sacre à Saturne, Par tremblant terre & deluge fendu Soubs l’edifice Saturnin trouvee urne, D’or Capion ravy & puis rendu. |
XXX. |
| Dedans Tholouze non loing de Beluzer, Faisant un puys loing, palais d’espectacle Thresor trouvé un chacun ira vexer, Et en deux locz tout & pres de l'usacle. |
XXXI. |
| Premier grand fruict le Prince de Pesquiere, Mais puis viendra bien & cruel malin, Dedans Venise perdra sa gloire fiere, Et mis à mal par plus ioyce Celin. |
XXXII. |
| Garde toy Roy Gaulois de ton nepveu, Qui sera tant que ton unique fils Sera meurtry à Venus faisant vœu, Accompagné de nuict que trois & six. |
XXXIII. |
| Le grand naistra de Veronne & Vincence, Qui portera un surnom bien indigne: Qui à Venise voudra faire vengeance, Luy mesme prins homme du guet & signe. |
XXXIV. |
| Apres Victoire du Lyon au Lyon Sus la montaigne de Ivra Secatombe, Delves & brodes septiesme million, Lyon, Ulme à Mausol mort & tombe. |
XXXV. |
| Dedans l’entree de Garone & Bayse, Et la forest non loing de Damazan, Du Marsaves gelees, puis gresle & bize Dordonnois gelle par erreur de Mezan. |
XXXVI. |
| Sera commis conte oindre aduché De Saulne & sainct Aulbin & Bel l’œuvre Paver de marbre de tours loing espluche Non Bleteran resister & chef d’œuvre. |
XXXVII. |
| La forteresse aupres de la Tamise Cherra par lors, le Roy dedans serré, Aupres du pont sera veu en chemise Un devant mort, puis dans le fort barré. |
XXXVIII. |
| Le Roy de Bloys dans Avignon regner, Une autre fois le peuple emonopolle, Dedans le Rosne par mer fera baigner Iusques à cinq le dernier pres de Nolle. |
XXXIX. |
| Qu’aura esté par Prince Bizantin, Sera tollu par Prince de Tholouse: La foy de Foix par le chef Tholentin Luy faillira, ne refusant l’espouse. |
XL. |
| Le sang du Iuste par Taurer la daurade, Pour se venger contre les Saturnins Au nouveau lac plongeront la maynade, Puis marcheront contre les Albanins. |
XLI. |
| Esleu sera Renard ne sonnant mot, Faisant le saint public vivant pain d’orge, Syrannisera pres tant à un coq, Mettant à pied des plus grands sur la gorge. |
XLII. |
| Par avarice, par force, & violence Viendra vexer les siens chefs d’Orleans, Pres sainct Memire assault & resistance, Mort dans sa tante diront qu’il dort leans. |
XLIII. |
| Par le decide de deux choses bastards, Nepveu du sang occupera le regne, Dedans lectoyre seront les coups de dards, Nepveu par pleur pliera l’enseigne. |
XLIV. |
| Le procrée naturel d'Ogmion, De sept à neuf du chemin destorner A Roy de longue & amy aumy hom, Doit à Navarre fort de Pau prosterner. |
XLV. |
| La main escharpe & la iambe bandee, Longs puis nay de Calais portera, Au mot du guet la mort sera tardee, Puis dans le temple à Pasque saignera. |
XLVI. |
| Pol mensolee mourra trois lieuës du rosne, Fuis les deux prochains tarasc destrois: Car Mars fera le plus horrible trosne, De coq & d’aigle de France freres trois. |
XLVII. |
| Lac Transmenien portera tesmoignage, Des coniurez sarez dedans Perouse, Un despolle contrefera le sage, Tuant Tedesq le sterne & minuse. |
XLVIII. |
| Saturne en Cancer, Iupiter avec Mars, Dedans Fevrier Chaldondon salvaterre: Sault Castallon assailly de trois pars, Pres de Verbiesque conflit mortelle guerre. |
XLIX. |
| Satur au bœuf, ioüe en l’eau, Mars en fleiche, Six de Février mortalité donra, Ceux de Tardaigne à Bruge si grand breche Qu’à Ponteroso chef Barbarin mourra. |
L. |
| La pestilence l’entour de Capadille, Une autre faim pres de Sagon s’apreste: Le chevalier bastard de bon senille, Au grand de Thunes fera trancher la teste. |
LI. |
| Le Bizantin faisant oblation, Apres avoir Cordube à soy reprinse: Son chemin long repos pamplation; Mer passant proy par la Golongna prinse. |
LII. |
| Le Roy de Bloys dans Avignon regner, D’Amboise & Seme viendra le long de Lyndre Ongle à Poytiers sainctes aisles ruiner Devant Boni... |
LIII. |
| Dedans Bologne voudra laver ses fautes, Il ne pourra au temple du soleil, Il volera faisant choses si haultes, En hierarchie n’en fut oncq un pareil. |
LIV. |
|
Soubs la couleur du traicte mariage, Fait magnanime par grand Chyren selin, Quintin, Arras recouvrez au voiage D’espagnols fait second banc macelin. |
LV. |
|
Entre deux fleuves se verra enserré, Tonneaux & caques unis à passer outre, Huict ponts rompus chef à tant enserré, Enfans parfaicts sont iugulez en coultre. |
LVI. |
| La bande foible le terre occupera Ceux du hault lieu feront horribles cris, Le gros troupeau d’estre coin troublera, Tombe pres D. nebro descouvers les escris. |
LVII. |
| De soldat simple parviendra en empire, De robe contre parviendra à la longue Vaillant aux armes en eglise ou plus pyre, Vexer les prestres comme l’eau fait l’esponge. |
LVIII. |
| Regne en querelle aux freres divisé, Prendre les armes & le nom Britannique, Tistre Anglican sera tard advisé, Surprins de nuict mener à l’air Gallique. |
LIX. |
| Par deux foix hault, par deux foix mis à bas L’orient aussi l’occident foiblira O on adversaire apres plusieurs combats, Par mer chassé au besoing faillira. |
LX. |
| Premier en Gaule, premier en Romanie, Par mer & terre aux Angloys & Paris Merveilleux faits par celle grand mesnie Violant terax perdra le Norlaris. |
LXI. |
| Iamais par le descouvrement du iour Ne parviendra au signe sceptrifere Que tous ses sieges ne soient en seiour, Portant au coq don du Tao armifere. |
LXII. |
| Lors qu’on verra expiler le saint temple, Plus grand du rosne leurs sacrez prophaner Par eux naistra pestilence si ample, Roy fuit iniuste ne fera condamner. |
LXIII. |
| Quand l’adultere blessé sans coup aura Meurdry la femme & le fils par despit, Femme assommee l’enfant estranglera: Huict captifs prins, s’estouffer sans respit. |
LXIV. |
|
Dedans les Isles les enfans transporterez, Les deux de sept seront en desespoir, Ceux du terroüer en seront suppertez, Nom, pelle prins des ligues fuy l’espoir. |
LXV. |
| Le vieux frustré du principal espoir, Il parviendra au chef de son empire: Vingt mois tiendra le regne à grand pouvoir, Tiran, cruel en delaissant un pire. |
LXVI. |
| Quand l’escriture D.M. trouvee, Et cave antique à lampe descouverte, Loy, Roy, & Prince Ulpian esprouvee, Pavillon Royne & Duc sous la couverte. |
LXVII. |
|
Par. Car. Nersaf, è ruine grand discorde, Ne l’un ne l’autre n’aura election, Nersaf du peuple aura amour & concorde, Ferrare, Colonne grande protection. |
LXVIII. |
| Vieux Cardinal par le ieusne deceu, Hors de sa charge se verra desarmé, Arles ne monstres, double soit aperceu, Et liqueduct & le Prince embausmé. |
LXIX. |
| Aupres du ieune le vieux ange baisser, Et le viendra surmonter à la fin: Six ans esgaux aux plus vieux rabaisser, De trois deux l’un huictiesme seraphin. |
LXX. |
| Il entrera vilain, meschant, infame Tyrannisant la Mesopotamie Tous amis fait d’adulterine dame, Terre horrible noir de phisonomie. |
LXXI. |
| Croistra le nombre si grand des astronomes, Chassez, bannis & livres censurez. L’An mil six cens sept par sacre glomes Que nul aux sacres ne seront asseurez. |
LXXII. |
| Champ Perusin ô l’enorme desfaite Et le conflit tout aupres de Ravenne, Passage sacré lors qu’on fera la feste, Vainqueur vaincu cheval manger l'avenne. |
LXXIII. |
| Soldat Barbare le grand Roy frappera, Iniustement non eslongné de mort, L’avare mere du fait cause sera Coniuratur & regne en grand remort. |
LXXIV. |
| En terre neusve bien avant Roy entré, Pendant subjets lui viendront faire acueil, Sa perfidie aura tel rencontré Qu’aux citadins lieu de feste & recueil. |
LXXV. |
| Le pere & fils seront meurdris ensemble Le persecteur dedans son pavillon La mere à Tours du fils ventre aura enfle, Caiche verdure de fueilles papillon. |
LXXVI. |
| Plus Macelin que Roy en Angleterre Lieu obscur nay par force aura l’empire: Lasche sans foy sans loy saignera terre, Son temps s’aproche si pres que ie souspire. |
LXXVII. |
| L’antechrist trois bien tost annichilez, Vingt & sept ans sang durera sa guerre, Les heretiques morts, captifs exilez, Sang, corps humain, eau rogie, gresler terre. |
LXXVIII. |
| Un Braganas avec la langue torte Viendra des dieux le sanctuaire, Aux heretiques il ouvrira la porte En suscitant l’eglise militaire. |
LXXIX. |
| Qui par fer pere perdra nay de Nonnaire, De Gorgon sur la sera sang perfetant En terre estrange fera si tout de taire, Qui bruslera luy mesme & son enfant. |
LXXX. |
| Des innocens le sang de vefve & vierge, Tant de maux faits par moyen se grand Roge, Saints simulachres trempez en ardant cierge, De frayeur crainte ne verra nul que boge. |
LXXXI. |
| Le neuf empire en desolation, Sera changé du pole aquilonaire, De la Sicile viendra l’esmotion Troubler l’emprise à Philip, tributaire. |
LXXXII. |
| Ronge long, sec faisant du bon valet, A la parfin n’aura que son congie, Poignant poyson, & lettres au collet Sera saisi eschappé en dangie. |
LXXXIII. |
| Le plus grand voile hors du port de Zara, Pres de Bisance fera son entreprise, D’ennemy perte & l’amy ne sera, Le tiers à deux fera grand pille & prinse. |
LXXXIV. |
| Paterne orra de la Sicille crie, Tous les aprests du goulphre de Trieste, Qui s’entendra iusque à la trinacrie, De tant de voiles fuy, fuy l’orrible peste. |
LXXXV. |
| Entre Bayonne & à sainct Iean de Lux Sera posé de Mars la promontoire Aux Hanix d’Aquilon Nanar hostera lux, Puis suffoqué au lict sans adiutoire. |
LXXXVI. |
| Par Arnani Tholoser Ville Franque, Bande infinie par le mont Adrian, Passe riviere, Hutin par pont la planque Bayonne entres tous Bichoro criant. |
LXXXVII. |
| Mort conspiree viendra en plain effect, Charge donnee & voyage de mort Esleu, crée receu par siens deffait. Sang d’innocence devant foy par remort. |
LXXXVIII. |
| Dans la Sardaigne un noble Roy viendra, Qui ne tiendra que trois ans le Royaume, Plusieurs couleurs avec soy conioindra, Luy mesme apres soin sommeil marrit scome. |
LXXXIX. |
| Pour no tomber entre mains de son oncle, Qui ses enfants par regner trucidez, Orant au peuple mettant pied sur Peloncle Mort et traisné entre chevaux bardez. |
XC. |
| Quand les croisez un trouvé de sens trouble En lieu du sacre verra un bœuf cornu Par vierge porc son lieu lors sera comble, Par Roy plus ordre ne sera sostenu. |
XCI. |
| Frymy les champs des Rodanes entrees Ou les croysez seront presque unis, Les deux brassieres en pisees rencontrees Et un grand nombre par deluge punis. |
XCII. |
| Loing hors du regne mis en hazard voyage Grand ost duyra pour soy l’occupera, Le Roy tiendra les siens captif ostage A son retour tout pays pillera. |
XCIII. |
| Sept mois sans plus obtiendra prelature Par son decez grand scisme fera naistre: Sept mois tiendra un autre la preture, Pres de Venise paix, union renaistre. |
XCIV. |
| Devant le lac où plus cher fut getté De sept mois, & son ost desconfit Seront Hyspans par Albannois gastez, Par delay parte en donnant le conflict. |
XCV. |
| Le seducteur sera mis à la fosse, Et estaché iusques à quelque temps, Le clerc uny le chef avec sa crosse Pycante droite attaira les contens. |
XCVI. |
| La Synagogue sterile sans nul fruit Sera receuë & entre les infideles De Babylon la fille du porsuit Misere & triste lui trenchera les aisles. |
XCVII. |
| Aux fins du Var changer lo Pom potans, Pres du rivage les trois beaux enfants naistre, Ruyne au peuple par aage competans Regne au pays changer plus voir croistre. |
XCVIII. |
| Des gens d’Eglise sang sera espanché, Comme de l’eau en si grande abondance Et d’un long temps ne sera restanché Ve ve au clerc ruyne & doleance. |
XCIX. |
| Par la puissance des trois Rois temporels, En autre lieu sera mis le sainct siege: Où la substance de l’esprit corporel, Sera remis & receu pour vray siege. |
C. |
| Pour l’abondance de larme respandue Du hault en bas par le bas au plus hault Trop grande foy par ieu vie perdue, De soif mourir par babondant deffault. |