CENTURIE VII |
I. |
L’Arc du tresor par Achilles deceu, Aux procrez sceu la quadrangulaire: Au faict Royal le comment sera sceu, Corps veu pendu au veu du populaire. |
II. |
Par Mars ouvert Arles ne donra guerre De nuict seront les soldats estonnez: Noir, blanc à l’Inde dissimulez en terre, Sous la fainte ombre traistres verez & sonnez. |
III. |
Apres de France la victoire navale, Les Barchinons, Saillinons, les Phocens, Lierre d’or, l’enclume derré dedans la balle, Ceux de Ptolon au fraud seront consens. |
IV. |
Le Duc de Langres assiegé dedans Dolle, Accompagné d’Autun & Lyonois: Geneve, Ausbourg, ioinct ceux de Mirandole, Passer les monts contre les Anconnois. |
V. |
Vin sur la table en sera respandu, Le tiers, n’aura celle qu’il pretendoit: Deux fois du noir de Parme descendu, Perouse à Pize fera ce qu’il cuidoit. |
VI. |
Naples Palerme & toute la Sicile, Par main barbare sera inhabitee, Corsicque, Salerne & de Sardeigne l’Isle, Faim, peste, guerre, fin de maux intentee. |
VII. |
Sur le combat des grands chevaux legers, On criera le grand croissant confond: De nuict tuer monts, habits de bergers, Abismes rouges dans le fossé profond. |
VIII. |
Flora, fuis, fuis le plus proche Romain, Au Fesulan sera conflict donné: Sang espandu, les plus grands prins à main, Temple ne sexe ne sera pardonné. |
IX. |
Dame à l’absence de son grand capitaine, Sera priee d’amor du ViceRoy, Fainte promesse & malheureuse estreine, Entre les mains du grand Prince Barois. |
X. |
Par le grand Prince limitrophe du Mans, Preux & vaillant chef du grand exercite: Par mer & terre de Gallots & Normans, Caspre passer Barcelonne pillé Isle. |
XI. |
L’enfant Royal contemnera la mere, Oeil, pieds blessez, rude, inobeissant, Nouvelle à dame estrange & bien amere, Seront tuez des siens plus de cinq cens. |
XII. |
Le grand puisnay fera fin de la guerre. Aux Dieux assemble les excusez: Cahors, Moissac iront loing de la serre, Refus Lestore, les Angenois rasez. |
XIII. |
De la cité marine et tributaire La teste raze prendra la satrapie: Chasser sordide qui puis sera contraire, Par quatorze ans tiendra la tyrannie. |
XIV. |
Faux exposer viendra topographie, Seront les cruches des monuments ouvertes: Pulluler secte, saincte philosophie, Pour blanches, noire & pour antiques vertes. |
XV. |
Devant cité de l’Insubre contree, Sept sera le siege devant mis: Le tresgrand Roy y fera son entree, Cité puis libre hors de ses ennemis. |
XVI. |
Entree profonde par la grand Royne faicte Rendra le lieu puissant inaccessible: L’armee des trois Lyons sera deffaite, Faisant dedans cas hideux & terrible. |
XVII. |
Le Prince rare de pitié & clemence Viendra changer par mort grand cognoissance Par grand repos le regne travaillié, Lors que le grand tost sera estrillé. |
XVIII. |
Les assiegez couloureront leurs paches, Sept iours apres feront cruelle issuë, Dans repoulsez, feu sang. Sept mis à l’hache Dame captive qu’avoit la paix tissuë. |
XIX. |
Le fort Nicene ne sera combatu, Vaincu sera par rutilant metal, Son faict sera un long temps debatu, Aux citadins estrange espouvantal. |
XX. |
Ambassadeurs de la Toscane langue, Avril & May Alpes & mer passee, Celuy de veau exposera l’harangue, Vie Gauloise ne venant effacer. |
XXI. |
Par pestilente inimitié Volsicque, Dissimulee chassera le tyran, Au pont de Sorgues se fera la traffique De mettre à mort luy & son adherant. |
XXII. |
Les citoyens de Mesopotamie Irez encontre amis de Terraconne, Ieux, rits, banquets, toute gent endormie Vicaire au Rosne, prins cité, ceux de d’Ausone. |
XXIII. |
Le Royal sceptre sera contrainct de prendre Ce que ses predecesseurs avoyent engagé, Puis que l’anneau on fera mal entendre, Lors qu’on viendra le palais saccager. |
XXIV. |
L’ensevely sortira du tombeau, Fera de chaines lier le fort du pont, Empoisonné avec œufs de Barbeau, Grand de Lorraine par le Marquis du Pont. |
XXV. |
Par guerre longue tout, l’exercice expuiser, Que pour soldats ne trouveront pecune, Lieu d’or, d’argent, cuir on viendra cuser, Gaulois ærain, signe, croissant de Lune. |
XXVI. |
Fustes & galeres autour de sept navires, Sera livree une mortelle guerre, Chef de Madrid recevra coup de vires, Deux eschapees, & cinq menees à terre. |
XXVII. |
Au cainct de Vast la grand cavalerie, Proche à Ferrage empeschee au bagage, Prompt à Turin feront tel volerie, Que dans le fort raviront leur hostage. |
XXVIII. |
Le capitaine conduira grande proye Sur la montaigne des ennemis plus proche: Environné, par feu fera telle voye Tous eschappez, or trente mis en broche. |
XXIX. |
Le grand Duc d’Albe se viendra rebeller, A ses grands peres fera le tradiment: Le grand de Guise le viendra debeller, Captif mené & dressé monument. |
XXX. |
Le sac s’approche, feu, grand sang espandu, Po, grands fleuves, aux bouviers l’entreprinse De Gennes, Nice apres longs attendu, Foussan, Turin, à Sauillan la prinse. |
XXXI. |
De Languedoc, & Guienne plus de dix Mille voudront les Alpes repasser: Grands Allobroges marcher contre Brundis, Aquin & Bresse les viendront recasser. |
XXXII. |
Du mont Royal naistra d’une casane, Qui cave, & compte viendra tyranniser, Dresser copie de la marche Millane, Fauence, Florence d’or & gens espuiser. |
XXXIII. |
Par fraude regne, forces expolier, La classe obsesse, passages à l’espie, Deux saincts amis se viendront t'allier, Esveiller hayne de longtemps assoupie. |
XXXIV. |
En grand regret sera là gent Gauloise, Cœur vain, leger croira temerité: Pain, sel, ne vin, eau, venin ne cervoise, Plus grand captif, faim, froid, necessité. |
XXXV. |
La grande pesche viendra plaindre, plorer, D’avoir esleu, trompez seront en l’aage: Guiere avec eux ne voudra demourer, Deceu sera par ceux de son langage. |
XXXVI. |
Dieu, le ciel, tout le divin verbe à l’onde, Porté par rouges sept razes à Bizance, Contre les oingts trois cens de Tresisconde Deux lois mettront, & horreur, puis credence. |
XXXVII. |
Dix envoyez, chef de nef mettre à mort, D’un adverty, en classe guerre ouverte, Confusion chef, l’un se picque & mord, Leryn, stecades nefs, cap dedans la nerte. |
XXXVIII. |
L’aisné Royal sur coursier voltigeant, Picquer viendra, si rudement courir, Gueulle, lipee, pied dans l’estrein pleignant Trainé, tiré, horriblement mourir. |
XXXIX. |
Le conducteur de l’armee Françoise, Cuidant perdre le principal phalange, Par sus pavé de l’avaigne & d’ardoise, Soy parfondra par Gennes gent estrange. |
XL. |
Dedans tonneaux, hors oingts d’huile & greffe Seront vingt un devant le port fermez, Au second guet par mort feront proüesse, Gaignez les portes, & du guet assommez. |
XLI. |
Les os des pieds & des mains enserrez, Par bruit maison Long temps inhabitee, Seront par songes concavant deterrez, Maison salubre & sans bruit habitee. |
XLII. |
Deux de poison saisis nouveaux venus, Dans la cuisine du grand Prince verser, Par le soüillard tous deux au faict cogneus, Prins qui cuidoit de mort l’aisné vexer. |