PRESAGES
TIREZ DE CEUX FAITS PAR M. NOSTRADAMUS,
ÉS ANNÉES MIL CINQ CENS CINQUANTE CINQ
&
SUYVANTES.

Sur ladite année.    1566

CXVIII.

Aux plus grands mort, jacture d'honneur & violence.
Professeurs de la foy, leur estat & leur secte
Aux deux grandes Eglises divers bruit, de cadence
Maux, voisins querellans, serfs d'Eglise sans teste.

CXIX. Ianuier.

Perte, jacture grande, & non sans violence
Tous ceux de la foy, plus à religion.
Les plus Grands perdront vie, leur honneur & chevance
Toutes les deux Eglises, la coulpe à leur faction.

CXX. Fevrier.

A deux fort Grande naistre perte pernitieuse.
Les plus Grands feront perte, biens, d'honneur & de vie.
Tant grands bruits couriront, l'urne trop odieuse
Grands maladies estre, presche, messe en envie.

CXXI. Mars.

Les servants des Eglises leur Seigneurs trahiront.
D'autres Seig. aussi par l'indivis des champs.
Voisins de presche & messe entr'eux querelleront.
Rumeurs, bruits augmenter, à mort plusieurs couchans.

CXXII. Auril.

De tous biens abonance terre nous produira.
Nul bruit de guerre en France, hors mi seditions
Homicides, voleurs par voye on trouvera.
Peu de foy, fievre ardente, peuple en émotion.

CXXIII. May.

Entre peuple discorde, inimitié brutale.
Guerre mort de grands Princes plusieurs par d'Italie
Universelle playe, plus forte occidentale
Tempore bonne & pleine, mais fort seiche & tarie.

CXXIV. Iuin.

Les bleds trop n'abonder, de toutes autres fruits force.
L'esté, printemps humides, hiver long, neige, glace,
En armes l'Orient, la France se renforce.
Mort de bestail prou miel, aux assiegez la place.

CXXV. Iuillet.

Par pestilente & feu fruits d'arbres periront
Signe d'huile abonder, pere Denis non gueres
Des grands mourir, mais peu d'estrangers sailliront.
Insult marin Barbare, & dangers de frontieres.

CXXVI. Aoust.

Pluyes fort excessives, & de biens abondance.
De bestail pris juste être, femmes hors de danger
Gresles, pluyes, tonneres : peuple abatu en France
Par mort travailleront, mort peuple corriger.

CXXVII. Septembre.

Armes, playes cesser, mort de seditieux.
Le pere Liber grand non trop abondera.
Malins seront saisis par plus malicieux.
France plus que iamais victrix triomphera.

CXXVIII. Octobre.

Iusqu'à ce mois durer la secheresse grande
A l'Itale & Provence, des fruits tous à demi.
Le Grand moins d'ennemis, prisonnier de leur bande
Aux escumeurs, pirates. & mourir l'ennemI.

CXXIX. Novembre.

L'ennemi tant à craindre retirer en Thracie,
Laissant cris, hurlemens, & pille desolée.
Laisser bruit mer & terre, religion nutrie.
Joviaux mis en route, toute secte assoulée.