PRESAGES
TIREZ DE CEUX FAITS PAR M. NOSTRADAMUS,
ÉS ANNÉES MIL CINQ CENS CINQUANTE CINQ
&
SUYVANTES.

Sur ladite année.    1565

CV.

Pire cent fois cest an que l'an passé.
Même au plus Grands du regne & de l'Eglise
Maux infinis, mort, exil, ruine, cassé.
A mort Grande estre, peste, playes & bille.

CVI. Ianuier.

Neiges, roüillures, pluyes & plus de bandes
Au plus Grands joye, pestilence insopie.
Semences, grains beaucoup, & plus de bandes
S'appresteront, simulte n'amortie.

CVII. Fevrier.

Entre les Grands naistre grande discorde,
Le Clerc procere un grand cas brassera :
Nouvelles sectes mettre en haine & discorde,
Tout peuple guerre & change offensera.

CVIII. Mars.

Secret conjur, changemet perilleux.
Secrettement conspirer factions.
Pluyes grands vents, playes par orgueilleux,
Inonder fleuves, pestifere actions.

CIX. Auril.

Pulluler peste, les Sectes s'entrebatre.
Temps moderé l'hyver peu de retour.
De messe & presche grievement soy debatre.
Inonder fleuves. maux, mortels tout autour.

CX. May.

Au menu peuple par debats & querelles,
Et par les femmes & defunts, grande guerre.
Mort d'une Grande, celebrer escrouëlles.
Plus grandes Dames expulsées de terre.

CXI. Iuin.

Viduité tant masle que femelles.
De grands Monarques la vie pericliter.
Peste, fer, faim, grand peril pesle mesle.
Troubles par changes, petits Grands concitér.

CXII. Iuillet.

Gresle, roüilleure, pluyes & grandes playes,
Preserver femmes, seront cause du bruit,
Mort de plusieurs peste, fer, faim par hayes,
Ciel sera veu quoy dire qu'il reluit.

CXIII. Aoust.

Point ne sera le grain à suffisance.
La mort s'approche à neiger plus que blanc
Sterilité, grain pourri, d'eau bondance.
Le grand blessé, plusieurs de mort de flanc.

CXIV. Septembre.

Guere de fruits, ni grain, arbres & arbrisseaux.
Grand volataille, procere stimuler.
Tant temporel que prelat leonceaux.
TOLANDAD vaincre, proceres reculer.

CXV. Octobre.

Du tout changé, persecuter l'un quatre.
Hors maladie, bien loin mortalité.
Des quatre deux plus ne viendront debatre.
Exil, ruine, mort, faim, perplexité.

CXVI. Novembre.

Des grands le nombre plus grands ne sera tant,
Grands changement, commotions, fer, peste,
Le peu devis : pressez, payez contant.
Mois opposite gelée fort moleste.

CXVII. Decembre.

Forte gelée.,glace plus que concorde.
Vesves matrones, feu, deploration.
Ieux, esbats, joye. Mars citera discorde.
Par mariages bonne expectation.