PRESAGES
TIREZ DE CEUX FAITS PAR M. NOSTRADAMUS,
ÉS ANNÉES MIL CINQ CENS CINQUANTE CINQ
&
SUYVANTES.

Sur ladite année.    1559

XXXIV.

Peur, glas grand pille, passer mer, croistre regne.
Sectes, Sacrez outre mer plus polis.
Peste, chaut, feu. Roy d'Aquilon l'enseigne.
Dresser trophée, cité d'HENRIPOLIS.

XXXV. Ianuier.

Plus le Grand n'estre, pluye au char, le cristal.
Tumulte esmeu de tous biens abondance.
Razez, Sacrez, neufs, vieux espouvental.
Esleu ingrat, mort, plaint, joye, allaince.

XXXVI. Fevrier.

Grain corrompu, air pestilent, locustes.
Subit cherra, noue nouvelle naistre.
Captifs ferrez, legers, haut bas, onustes,
Par ses os mal qu'à Roy n'a voulu estre.

XXXVII. Mars.

Saisis au temple, par sectes longue brigue
Esleu ravi, au bois forme querelle.
Septante pars naistre nouvelle ligue.
De la leur mort. Roy appaisé nouvelle.

XXXVIII. Auril.

Roy salvé Victeur, Imperateur.
La foy faussée, le Royal fait congneu,
Sang Mathien, Roy fait superateur
De gent superbe, humble par pleurs venu.

XXXIX. May.

Par le despit nopces, epithalame.
Par les trois parts Rouges, Rasez partis,
Au jeune noir remis par flamme l'ame,
Au grand Neptune Ogmius convertis.

XL. Iuin.

De maison sept par mort mortelle suite.
Gresle, tempeste, pestilent mal, fureurs.
Roy d'Orient, d'Occident tous en fuite.
Subjuguera ses jadis conquereurs.

XLI. Iuillet.

Predons pillez, chaleur, grand seicheresse :
Par trop non estre, cas non veu, inouy.
A l'estranger la trop grande caresse.
Neuf pays Roy. l'Orient esblouy.

XLII. Aoust.

L'Urne trouvée, la cité tributaire.
Champs divisez. nouvelle tromperie.
L'Hispan blessé, faim, peste, militaire.
Moq. obstiné, confus, mal, resverie.

XLIII. Septembre.

Vierges & vesves, vostre bon temps s'approche.
Point ne sera ce que l'on pretendra.
Loin s'en faudra que soit nouvelle approche.
Bien aisez pris, bien remis, pis tiendra.

XLIV. Octobre.

Icy dedans se parachevera.
Les 3. Grand hors le BON-BOURG sera loin.
Encontre d'eux l'un d'eux conspirera.
Au bout du mois on verra le besoin.

XLV. Novembre.

Propos tenus nopces recommencées.
La Grande Grande sortira hors de France.
Voix à Romagne de crier non lassée.
Reçoit la paix par trop feinte asseurance.

XLVI. Decembre.

La joye en larmes viendra captiver Mars.
Devant le Grand seront esmeus Divins :
Sans sonner mot entreront par trois pars.
Mars assoupi, dessus glas troutent vins.